Konsolen-Modding (Modchips, ODEs, RGH's und so Zeugs)

ubik · April 14

Han dänkt vilicht findets öbber spannend, oder isch au interessiert dra. Ha siteme Ziitli agfange Konsole (PS1, PS2, PS3, PS4, Xbox, Xbox 360 und Dreamcast) z'modde und mer e Lötstation, Chip-Programmer und suscht no Zuebehör gholt und eifach mal Agfange. Sind nöd all Installs woni gmacht ha, eifach so es paar Uszüg woni ha wele teile.

Softmods, Jailbreaks, und so Zügs hani au gmacht für PS2, PS3 und PS4, aber das isch halt nüt speziells - bzw chasch nöd viel cools zeige

Chasch vo obe nach abe min Werdegang aluege, isch super. Und wennd was bruchsch, schriebsch mer eifach. 😸

============================================

Playstation 1

Mit sälber gflashte Modchips (MM3 und Mayumi V4) hani mite PS1 damals agfange - nöd grad Prachtwerk aber funktionell suuber. 🫠

============================================

Denn hani e xStation ODE verbaut, scho einiges besser, cha aber au nur wenig schief gah mitem PCB. 😎

Ha scho ei xStation gha vo Ricardo, det isch aber de MicroSD slot gschlisse gsi, also hani de müäse ersetze.

============================================

Spöter hani mer breakout Boards für d'Chips gholt, scho einiges cleaner worde.

Irgendwenn hani denn gfunde whatever, bausch der es eigets PCB und ha's "PICATtiny" modchip board sälber mit KiCad baut mit 0 Ahnig - huere zlang gange, aber isch geil.

Sind PCBs mit eme capacitor für decoupling/filter und solder-jumpers damit PICx und ATtiny chips druff gönd und isch kompatibel mit jegliche Modchips wo's für d'PS1 git - PSNee, ONEchip, MM3, Mayumi.

Hani natürlich direkt au ibaue, wird immer cleaner

============================================

De erscht PICATtiny isch chli gross gsi, also hani V2 gmacht wo kompakter worde isch und nur no de 100nF capacitor brucht häd wo als solder-jumper agiert.

Au de natürlich direkt installiert. Das ganze ufere PSone wo s'Bild verschwumme gsi isch und s'CD Laufwerk nümm gloffe isch.

Also direkt ONEchip ufem PICATtiny, die beide C550 und C551 capacitors mit moderne tantalums (rächti siite die beide gälbe dinger) ersetzt für s'Bild und C705 (links unne näbem graue stöpsel) miteme keramik cap fürs CD Laufwerk, und lauft wieder wie wenn nüt gsi wär.

Denn no eimal inere fat PS1 9002er - wahrschinlich eine vode cleanste installs bis ez. 🤩

============================================

Xbox 360

RGH hani mer au nöd chöne verkneife, ha damals eini kauft vomene Wälsche, die isch easy gsi, aber has au sälber wele mache. Ische Xbox 360 Trinity, de Draht chönt chli chürzer sii, bootet aber fasch wie Retail.