Frage zu Umfragetool

[huli]

Hallo

 

Ich habe eine kleine Usability Frage.

 

Wir haben ein Umfragetool Entwickelt, bei dem man Umfragen erstellen uns Ausfüllen kann ohne sich anzumelden. Der Username wird in den Cookies gespeichert.

Nun war die Idee, dass man auch von anderen Geräten als selber User an der Umfrage teilnehmen kann, daher steht es einem zu Beginn offen einen existierenden Usernamen anzuklicken und so als dieser User weitere Vorschläge zu erstellen oder eben einen neuen zu erstellen.

 

Nun meine Frage: Denkt ihr das ist Sinnvoll? Oder sorgt es eher für verwirrung? Ich dachte eigtl. es wäre eine tolle Idee doch hatte ich nun schon User die das ganze offensichtlich nicht verstanden haben.

 

Hier ist eine Beispielumfrage: http://poll.ly/b71ad38a

Zu beginn könnt ihr nun entweder einen bestehenden Namen anklicken oder aber wenn ihr noch nicht teilgenommen habt einen neuen Namen eingeben.

 

Natürlich lässt sich das System so auch missbrauchen, was denkt ihr darüber?

 

Merci für eure Vorschläge

[eichensarg]

Das finde ich ehrlich gesagt überhaupt nicht sinnvoll. Wenn schon 100 User teilgenommen haben, werden dann alle Usernamen aufgelistet? Im Beispiel kann ich mich als huli ausgeben... Ich würde das ganze nur mit Anmeldung machen. Cookies sind so schnell gelöscht und die Umfrage somit so schnell manipuliert...

[Gormuur]

Chum also au nid ganz so gnau druus.... und i derä Hiisicht söttmer villicht das "fool-proofed" nomol chli überdänkä

[huli]

Hey Merci fürs Feedback

 

Aso wo chunsch nid gnau druus? Be dem wo dr Name no chasch aklicke?

 

wenn uf dSiite http://www.poll.ly chunsch, isches dört klar was wie muesch mache?

[Gormuur]

Uf der Startsite isch zwar scho klar was ich müest machä... en Frog inäschriibä, en Namä und en e-mail Adresse... aber warum gnau, was nochher chund, wiä das ganzä funktioniert etc. isch nid nur nid ersichtlich, ich chönts au gar nid nohluege wenni wür wellä.

 

Ich gsehn diä drü Fälder, und gsehn dasses schiins öpis mit Frogä ztuä hed wo ich frögä chan. Wichtiger als wasses überhaupt isch, und wies funktioniert schiint aber z si dasses kei Registrierig bruucht, gratis isch und idiotäsicher.

 

Minimalistisch, eifach, unkompliziert. Kei Registrierig nötig, gratis, eifach. Alles super. Aber wenni nid weiss wasses isch, wiäs funktioniert, was passiert usw. isch das denn ebä villicht doch echli wenig, und hlat in erschter Linie öpis für öper wo chli experimentierfreudig oder gwundrig isch, und nid öpis für Lüt wo es möglichscht eifachs Werkzüg bruched zum schnäll öpis zmachä.

 

Ich persöndlich bin jo überhaupt kei Social Media User, und känn d Möglichkeitä nur vom ghörä sägä, aber ich gang jetzt mol devo us dass so Frogä wohl bi google, facebook und co. genau so schnäll und unkompliziert chönd gstellt werdä. Alternativä isch super, wills ebä z.B. Lüt gid wiä mich, oder willmer villicht wieder mol will us derä Profilisierig usbrächä bzw. villicht halt ebä nid jedä will frögä, sondern nur es paar etc., aber wer vo denä (und das dürft jo fascht jedä si) wo ebä diä Social Media gschicht tagtäglich nutzed und wüssed was lauft, probiert en Dienscht us, wo villicht gwüssi Vorteil büütet, aber woner zerscht no mues usäfindä um wasses eigentlich überhaupt gnau god? Es mues unjkompliziert sii, aber es mues ebä au klar sii. Und mer mues zumindescht d Möglichkeit ha noimed druf z klickä, damits eim das ganzä no chli gnauer erchlärt. Und wenns so eifach isch wiä ich mir das vorstell, wäred zwei drü Pünkt dzuä jo au nid so schwierig.

 

 

 

Und ich han mol wellä en Frog sändä zum ebä luege was passiert. Funktioniert bi mir nid (Safari). Wenni next druck passiert nüt. Ischs no gar nid freigschaltä?

 

 

 

 

 

Und de ander Punkt bi dinem Bispiel Poll isch halt das was de eichäsarg gseit hed. Isch zwar scho no elegant dassmer vo überal cha druf zuägriffä ohni ilogä und allem, vor allem wemer halt eifach paar Lüt will frögä, und diä denn sölled e Antwort geh, mer aber jetzt nid jedem will zuämuäte dasser wieder es Konto macht, bimene Dienscht woner sälber villicht überhaupt niä bruuchä wird, nur zum sin Sänf schnäll dzuä zgeh.

Vo de Idee her also scho nid s dümmscht.

 

Aber ebä, ich han z.B. uf huli klickt... jetzt schrib ich als huli. Wenn ich dim Link jetzt wider erneut folg, chum ich aber nid wider zur Uswahl, bin automatisch de huli, und han gar kei Möglichkeit en Button z druckä zum wieder zur Uswahl z cho. Das heisst wenn ich mol de Falsch wähl, öb jetzt us Versehe oder willmer will en Spass erlaubä, müsst ich wohl mini Cookies löschä, was denn nid nur no vieli ander Uswürkigä chan ha, sonder was ich au zerscht mol wüssä mues. Also wieder öpis wo vermeintlich eifach, aber am unbedürftigä User wo nüt weiss über s Internetz, sondern eifach de Link übercho hed willer öpis über d Beantwortig vo de Frog weiss, viel ehnder en Stolperstei isch.

 

Und do chundmer den zur Frog, wenn eh jedä unter jeder Identität chan öpis schriebä, wieso überhaupt Cookies und Usernämä? Chan doch bi jeder Antwort no es Namensfäld sii, wiä früener bi de Kommentarfunktionä, denn chan jedä no sin Namä zu de Antwort schriebä, und alles isch klar. Das chaner denn au vo jedem Computer oder Device machä.

 

 

 

Alles in allem empfindis eifach nid als so eso e suuberi und sälbchterklärendi Lösig, wiäs ebä eigentlich sötti darstellä. Au D Grafik unterstützt echli de Idruck. Mer weiss nid gnau was isch jetzt nur Grafik, weli Grafik hed no e Funktion wemer druf klickt, welli nid, und wenn denn was für eini, und hetsi diä immer, oder nur wenn bestimmti demit zämähängendi Sachä erfüllt sind (z.B. d Lupä...).

 

Für mich isch halt eifach einiges Unklar, das god bis hi zum Design

Es god eifach echl i d richtig: So minimalistisch, dass nid nur alles unwichtigä Züg nüm stört, sondern ebä au das fehlt was no wichtig wär, und so eifach, dasses ebä scho wider schwierig isch, wemer nid vorussetzt dassmer weiss uf was diä Eifachheit berueht.

Und denn chund denn ebä d Frog für wer isches denkt und für weli Situationä.

Edited January 18, 2014 by Gormuur